Viongozi na wadau wa Taifa wameonya Watanzania dhidi
ya kuruhusu propaganda za bei rahisi na za uchochezi kuharibu misingi ya
Muungano wao wa kihistoria, hususan wakati huu wa kuelekea uchaguzi.
Msisitizo umewekwa kwa umuhimu wa kufanya maamuzi
sahihi ya kuchagua viongozi wenye dhamira thabiti ya kuulinda na kuudumisha
Muungano huu kwa manufaa ya vizazi vya sasa na vijavyo.
Jukumu la Kuchagua Walinzi wa Muungano
Muungano wa Tanganyika na Zanzibar unatajwa kuwa
zaidi ya siasa, ukiwa ni alama ya kudumu ya umoja, amani, na maono ya pamoja ya
maendeleo ya Taifa.
Wachambuzi wamefafanua kuwa, kuelekea uchaguzi,
Watanzania wanapaswa kutambua kuwa Muungano ni urithi wa kitaifa unaopaswa
kulindwa kwa nguvu zote. Inasisitizwa kwamba wananchi wanahitaji kuchuja kauli
za wagombea na kuhakikisha wanachagua viongozi ambao si tu wanaheshimu
Muungano, bali pia wataendeleza misingi ya ushirikiano na usawa kwa pande zote
mbili.
Wataalamu wanashauri umma utoe kipaumbele kwa
maslahi ya Taifa na si matakwa ya kisiasa yanayolenga kuleta migawanyiko.
Kudumishwa kwa amani na usalama kunategemea uamuzi wa Watanzania wa kukataa
propaganda zinazolenga kuvuruga Muungano.
Viongozi mbalimbali nchini na wananchi wanakiri kuwa
Muungano umeleta mafanikio makubwa ya kijamii, kiuchumi, na kisiasa,
ukihakikisha kuwa wananchi wa pande zote wananufaika kwa usawa kupitia miradi
mikakati ya maendeleo.
"Kuendeleza umoja, amani na mshikamano ndio
urithi mkubwa tunaoacha kwa vizazi vijavyo," walisisitiza wadau wa Taifa
nakusema Muungano ndio nguzo inayolinda hadhi ya Tanzania na inapaswa kulindwa
kwa kila hali.
0 Maoni