Mgombea NRA Ukonga ahimiza amani na ushirikiano baada ya uchaguzi

 

Mgombea Ubunge wa Jimbo la Ukonga kupitia Chama cha National Reconstruction Alliance (NRA), Bwana Augustino Makaki, mkazi wa Mvuti, ametoa wito wa kitaifa wa kurejea kwenye amani na ushirikiano, akisisitiza kwamba changamoto zilizojitokeza baada ya uchaguzi zimetoa funzo la kudumu kwa vijana na taifa kwa ujumla.

Akizungumza kwa utulivu baada ya mchakato wa uchaguzi, Bwana Makaki alielezea kuridhishwa kwake na kurudi kwa hali ya kawaida, akibainisha kuwa biashara na shughuli za kijamii zimeanza upya.

"Nashukuru sana. Watanzania wamerudi katika amani. Watu wameanza kufanya kazi, biashara zimerejea, watu wanazunguka mjini. Hii ndio Tanzania tunayoijua," alisema.

Mwanasiasa huyo wa upinzani alitumia fursa hiyo kuwaonya vijana dhidi ya kufanya maamuzi ya kisiasa kwa hisia kali (mhemuko) bila kutathmini athari za matendo yao. Alisema kuwa vijana wamejionea athari za kukosekana kwa amani, hata kwa shughuli ndogo za kila siku.

"Nawaasa vijana. Kuna ule mhemuko kwamba unaweza kuambiwa kitu ukakiafiki lakini hujui athari yake ni nini. Sasa athari wameiona, matatizo wameyaona," alifafanua. "Vijana ukikaa nao wanasema walikuwa wanakosa hata kununua soda. Hata shida ya kuinunua chipsi hakuna. Sasa athari wanaiona."

Bwana Makaki alisisitiza kuwa funzo hili limewafanya vijana wengi kugundua thamani ya amani, kiasi kwamba hata leo wakiambiwa waandamane hawatafanya hivyo. "Kwa siku tatu nne tayari wamejifunza. Leo ukiwataka watakuambia hapana, yale yameisha."

Akirejelea historia ya taifa, Bwana Makaki alikumbusha jinsi vizazi vya zamani vilivyoshuhudia vita, kama vile Vita ya Uganda ya 1979, ambapo walijificha kwenye handaki na kuona moja kwa moja athari za machafuko.

"Sisi tulizaliwa kwenye amani... Tuliiona vita, tulijua athari yake na matatizo tuliona. Vijana wetu walikuwa wanayasikia tu, lakini tatizo waliloliona kwa siku tatu nne tayari wamejifunza," alisema.

Mgombea huyo wa NRA alisisitiza kuwa muda wa siasa za uchaguzi umekwisha, na sasa ni wakati wa Watanzania, bila kujali tofauti zao za vyama, kushirikiana kujenga uchumi na maendeleo.

"Yule yamekwisha, tugange yajayo," alihimiza. "Viongozi wamechaguliwa, tunatakiwa tushirikiane kujenga nchi yetu."

Alimalizia kwa kutoa kauli yenye nguvu, akisema:

"Amani si mwisho wa safari, ni mwanzo wa kila mafanikio. Tuchague amani leo, ili kesho chetu kiwe bora zaidi."

Alisisitiza kuwa amani ndio msingi wa kila kitu, akinukuu kauli maarufu, "Amani si mwisho wa safari, ni mwanzo wa kila mafanikio." Aliendelea kwa kutoa wito, "Tuchague amani leo, ili kesho chetu kiwe bora zaidi."