Mfuko wa Hifadhi ya Jamii kwa
Watumishi wa Umma (PSSSF) umeviomba vyombo vya habari kuusaidia katika kuwahamasisha
waajiri kuwasilisha makato ya michango ya pensheni ya wanachama wao.
Ombi hilo limetolewa leo jijini Dar es
Salaam na Meneja wa PSSSF kanda ya Ilala Bw. Hajji Khamis katika mkutano wa
Wanachama wa Jukwaa la Wahariri Tanzania (TEF), wakati akielezea mambo
mbalimbali yanayotekelezwa na mfuko huo.
“Moja ya changamoto kubwa tunayokabiliana
nayo kwa sasa ni waajiri kutowasilisha makato ya michango ya pensheni ya
wanachama wetu kwa wakati,” alisema Bw. Khamisi na kuongeza;
“Wahariri mtusaidie kuwahamasisha
waajiri kuwasilisha makato ya michango ya pensheni ya wanachama wetu, kwani
kwenye makato kuna haki ya wanachama wetu.”
Kuhusu matumizi ya teknolojia amesema
kwa asilimia 90 sasa michakato yote ya PSSF inafanyika kimtandao jambo ambalo
limefanikisha kuboresha utoaji huduma wa mfuko huo kwa wanachama wake.
Kuhusu ulipaji wa pensheni wanachama
wao kwa wakati Meneja wa PSSSF kanda ya Ilala Bi. Amina Kasim amesema PSSSF kwa
sasa wamejitahidi katika kuhakikisha kuwa wanachama wanalipwa pensheni zao kwa
wakati kila mwezi kuanzia kati ya tarehe 23-25.
“Kwa sasa mwanachama wetu anaweza
kuhakiki taarifa zake akiwa popote halipo hata nyumbani, hakuna tena haja ya
kuja ofisini kwa ajili ya kujua taarifa mbalimbali kwa mwanachama,” alisema Bi.
Khadija.
Amesema na kwa wale watu wazima mno na
wagonjwa ambao hawawezi kutumia teknolojia ama hawana wasaidizi wanaowaamini,
wanapatiwa huduma kwa kufuatwa walipo baada ya kupiga simu PSSSF ya kuomba
msaada.
0 Maoni