Makaburi mapya ya waumini yabainika Shakahola Kenya

 

Miili mitano imefukuliwa kwenye makaburi mapya ambayo yanahisiwa kuwa na uhusiano na kundi la kidini lililowaaminisha waumini wake kufa kwa njaa ili waingie peponi la nchini Kenya.

Katika mojawapo ya matukio mabaya zaidi ya vifo vya halaiki vinavyohusishwa na madhehebu ya kidini, zaidi ya miili 400 iligunduliwa mwaka 2023 katika Msitu wa Shakahola, ulioko maeneo ya ndani kutoka mji wa pwani wa Malindi.

Inaaminika kuwa watu hao walikuwa wafuasi wa Mhubiri aliyejipatiwa wadhifa mwenyewe, Paul Mackenzie, ambaye anadaiwa kuwahamasisha wafuasi wake wajinyime chakula hadi kufa.

Ugunduzi huu wa hivi karibuni unaonekana kuthibitisha hofu iliyotolewa na serikali mapema mwaka huu kwamba kundi hilo bado linaweza kuwa linaendelea na shughuli zake kwa siri.

Mwezi Aprili, Waziri wa Mambo ya Ndani, Kipchumba Murkomen, alisema kulikuwa na madai kuwa Mackenzie alikuwa akiwasiliana na wafuasi wake kutoka gerezani akitumia simu ya mkononi.