Mtangazaji wa TV 3 aliyedaiwa kupotea apatikana

 

Jeshi la Polisi limetangaza kupokea taarifa ya kupatikana kwa Mtangazaji wa TV 3, Gwamaka Francis Gehas Mkazi wa Mbezi Beach Africana ambaye aliripotiwa na na chombo hicho cha habari kuwa alipotea mnamo Januari 03, 2025 majira ya mchana.

Taarifa ya Msemaji wa Jeshi la Polisi, Makao Makuu ya Polisi Dodoma imebainisha kuwa baada ya ufuatiliaji ulioanza kwa kukusanya ushahidi na taarifa kutoka kwa watu mbalimbali na leo Januari 5, 2025 majira ya saa kumi na moja jioni Jeshi la Polisi limepokea taarifa kuwa amepatikana na yupo Kitunda nyumbani kwa shangazi yake.

Aidha, Jeshi la Polisi limesema linaendelea na uchunguzi ikiwa ni pamoja na kupata maelezo yake ili kupata uhalisia wa tukio la kutokuonekana kwake na baadaye kuonekana akiwa kwa shangazi yake.

“Uchunguzi huu utatusaidia kupata ukweli kuna kitu gani nyuma yake ili hatua stahiki zichukuliwe kulingana na ushahidi utakaopatikana,” imemalizia kusema taarifa hiyo ya polisi.