Mamilioni ya Wamarekani wakabiliwa na baridi kali

 

Mamilioni ya watu wakumbwa na baridi kali huku majimbo sita ya Marekani yakitangaza hali ya dharura.

Mamilioni ya Wamarekani wamearifiwa kujiandaa kwa hali ya hewa ya majira ya baridi. Jimbo la West Virginia limeungana na majimbo mengine matano kutangaza hali ya dharura.

Kentucky, Virginia, Kansas, Arkansas na Missouri zimetangaza hali ya dharura.

Majimbo 30 ya Marekani yanayoanzia katikati mwa nchi hadi pwani ya mashariki - ikiwa ni pamoja na miji mikuu kama Washington DC na Philadelphia, yanatarajiwa kushuhudia baridi kali.

Watabiri wa hali ya hewa wanasema mgandamizo mkubwa wa hewa kutoka katika nguzo mbili za dunia umeleta baridi kutoka Aktiki hadi katikati ya Marekani na kusababisha hali mbaya ya hewa.