Mgombea nafasi ya Uenyekiti wa Chama cha
Demokrasia na Maendeleo (Chadema) Tundu Lissu amesema chama hicho kimepoteza
imani na mvuto kwa wafuasi wake wengi na wananchi kwa ujumla kwasababu ya
uongozi wa sasa kuwa karibu na chama tawala na mamlaka kwa ujumla.
Akihojiwa na BBC Lissu, ambaye ni Makamu
Mwenyekiti wa sasa, amesema njia pekee ya kurudisha Imani na kutegemewa na
wananchi ni kwa kupata uongozi mpya utaobadilisha mwelekeo wa chama hicho.
Chadema kinatarajia kufanya uchaguzi wa
viongozi wake wa ngazi ya taifa tarehe 21 Januari, huku nafasi ya Mwenyekiti wa
chama ikigombaniwa na watu wanne; Freeman Mbowe, Tundu Lissu, Odero Charles
Odero na Romanus Mapunda.
Hata hivyo mchuano umekuwa mkali zaidi unatarajiwa
kuwapo kati ya Lissu na Mbowe ambapo wafuasi wao, hasa katika mitandao ya
kijamii, wamekuwa wakishambuliana kwa maneno na shutma mbalimbali.
0 Maoni