Balozi wa Marekani aipa tano treni ya SGR Tanzania

 

Balozi wa Marekani Michael Battle amefurahishwa na huduma bora za usafiri wa reli ya kisasa ya (SGR) baada ya kusafiri kwa treni ya Shirika la Reli Tanzania (TRC) kutoka Dar es Salaam hadi Dodoma.

Balozi Battle ameandika katika mtandao wake wa X kuwa, "Nimesafiri na treni katika mabara manne, na najivunia kusema kuwa Tanzania inatoa huduma ya kipekee ya usafiri wa treni," ameandika Balozi Battle na kuongeza,

"Treni inaondoka stesheni kwa wakati, ufafiri ulikuwa wa utulivu, na ukarimu unaozingatia taaluma wa watumishi wake ulikuwa mzuri sana ‘supa’."