Aliyeua watu New Orleans alikuwa mwanajeshi wa Marekani

 

FBI imemtaja mshambuliaji wa shambulio la gari na kutumia sialaha la New Orleans lililouwa watu 15 kuwa Shamsud-Din Jabbar mwenye umri wa miaka 42 - mwanajeshi mkongwe na raia wa Marekani kutoka Texas.

Jabbar alikuwa amefanya kazi katika majukumu mbalimbali katika Jeshi la Marekani, ikiwa ni pamoja na katika kitengo cha rasilimali watu na teknolojia ya mawasiliano (IT).

Alipelekwa Afghanistan kuanzia Februari 2009 hadi Januari 2010. Jabbar alikuwa na rekodi ya uhalifu, inayohusiana na makosa ya barabarani na wizi.

Taarifa ya FBI inasema inaamini mshukiwa wa shambulio hilo hakutekeleza shambulio hilo peke yake.

Bendera ya ISIS ilipatikana kwenye gari la mshambuliaji huyo aliyewaua watu 15 na kujeruhi watu wengine 35.