Sultani wa mwisho Zanzibar afariki dunia

 

Jamshid bin Abdullah, Sultani wa mwisho kuitawala Zanzibar na aliyeondolewa mamlakani kwa mapinduzi ya Januari 1964 amefariki dunia.

Jamshid amefariki hospitalini nchini Oman jioni ya jana Jumatatu, Desemba 30 akiwa na umri wa miaka 95.

Sababu za kifo chake zinaelezwa kuwa ni maradhi ya muda mrefu na uzee. Anatarajiwa kuzikwa leo Jumanne katika makaburi ya kifalme jijini Muscat, Oman.