Makumi wanusurika kifo ajali ya ndege Kazakhstan

 

Makumi ya watu wamenusurika kifo katika ajali ya ndege iliyoanguka ikiwa na  abiria 67 huko Kazakhstan.

Maafisa wa nchi hiyo wamesema jumla ya watu 38 wamekufa katika ajali hiyo.

Ndge hiyo ya shirika la ndege la Azerbaijan namba J2-8243 iliwaka moto wakati ikitua kwa dharura karibu na mji wa Aktau nchini Kazakhstan.

Ndege hiyo iliyokuwa ikielekea nchini Urusi, ililazimika kubadili safari yake kutokana na hali ya hewa ya ukungu.

Picha zilionyesha ndege hiyo ikiwa inatua kwa kasi kali huku matairi yakiwa chini na ghafla ikalipuka moto ikitua.