Ajali ya Noah na basi yaua watu tisa Tarakea

 

Watu tisa wamefariki dunia katika ajali ya barabarani iliyohusisha basi la Ngasere High Class na gari aina ya Toyota Noah zilizogongana kwenye eneo la Tarakea wilayani Rombo mkoani Kilimanjaro.

Mkuu wa Wilaya ya Rombo, Raymond Mwangwala amethibitisha kutokea kwa ajali hiyo.

Ajali hiyo iliyotokea leo Desemba 26, 2024 majira ya jioni, imesababisha pia majeruhi mmoja ambaye hali yake imeelezwa kuwa ni mbaya.