Waziri Chana awanadi wagombea wa CCM Makambako

 

Waziri wa Maliasili na Utalii ambaye pia ni Mbunge wa Viti Maalum Mkoa wa Njombe, Mhe. Balozi, Dkt. Pindi Chana (Mb) amekinadi Chama cha Mapinduzi (CCM) huku akiwaomba wananchi kuchagua wagombea wa CCM katika uchaguzi wa Serikali za Mitaa utakaofanyika Novemba 27,2024.

Dkt. Chana ameyasema hayo katika Mkutano wa hadhara uliofanyika Kata ya Lyamkena, Halmashauri ya Mji wa Makambako Mkoani Njombe leo Novemba 25, 2024.

Amesema Rais wa Jamhuri ya Muungano wa Tanzani a, Mhe. Dkt. Samia Suluhu Hassan ametoa fedha za miradi mbalimbali ya maendeleo Mkoani humo katika Wilaya zote za Makambako, Ludewa, Njombe na Wanging'ombe za ujenzi wa barabara, shule, vituo vya afya n.k.

Akizungumzia Sekta ya Maliasili na Utalii Mhe. Chana amesema Rais Samia amekuwa kinara katika kutangaza vivutio vya Tanzania hasa kupitia filamu ya Tanzania The Royal Tour.