Waziri Mkuu ashiriki mkutano wa ‘Summit of the Future’

 

Waziri Mkuu Kassim Majaliwa  ameshiriki katika ufunguzi wa Mkutano wa ngazi ya juu wa Wakuu wa Nchi na Serikali ‘Summit of the Future’ uliofanyika katika ukumbi wa Mikutano wa Umoja wa Mataifa New York nchini Marekani.

Mkutano huo uliofanyika jana unawaleta pamoja viongozi wa nchi na Serikali duniani ili kujadili masuala mbalimbali ya maendeleo na namna wanaweza kuboresha hali ya sasa na kuzilinda siku zijazo.

Mheshimiwa Majaliwa yupo nchini Marekani kumwakilisha Rais Dkt. Samia Suluhu Hassan katika mkutano Mkutano wa 79 wa Baraza Kuu la Umoja wa Mataifa (UNGA79).