Waziri wa Ujenzi, Abdallah Ulega, amewataka Watanzania kuendelea kutumia dini kama nyenzo muhimu ya kudumisha amani na umoja wa taifa.
Ulega ametoa wito huo mkoani Mara Region wakati wa uzinduzi wa Kanisa la Waadventista wa Sabato (SDA) Musati, akisisitiza kuwa tofauti za kidini hazipaswi kuwa chanzo cha migawanyiko bali ziwe msingi wa mshikamano.
Amesema mafundisho ya dini mbalimbali yanahimiza upendo, kuvumiliana na kuheshimiana, mambo ambayo ni muhimu katika kuimarisha utulivu na maendeleo ya taifa.
Uzinduzi huo umehudhuriwa na viongozi mbalimbali, akiwemo Waziri wa Ulinzi, Rhimo Nyansaho, ambaye amesema kanisa hilo litakuwa na mchango mkubwa pia katika utoaji wa huduma za kijamii kwa wananchi.
Aidha, amebainisha kuwa uwepo wa miundombinu ya kidini kama hiyo unasaidia kuimarisha mshikamano wa jamii na kutoa fursa za kusaidiana kijamii.
Kanisa hilo limejengwa kwa gharama ya zaidi ya shilingi milioni 500 kwa ushirikiano wa wadau mbalimbali, hatua inayotajwa kuwa ni kielelezo cha mshikamano na ushirikiano wa jamii.
#SisiNiWamoja
0 Maoni