Katika mjadala wa matumizi ya nguvu
ya vyombo vya dola, wachambuzi wa masuala ya usalama na utaratibu wameeleza
kuwa kuna ugumu wa kiutendaji ambao hupingwa na taasisi za kidini, ambazo
huzingatia zaidi haki kuliko wajibu wa Serikali kulinda miundombinu ya umma,
ile ya hatari na mali za watu.
Biblia inatambua Mamlaka halali ya
Serikali ya kutumia nguvu (upanga) ili kulinda raia na utaratibu dhidi ya uovu,
kama ilivyoelezwa katika Warumi 13.Katika maandiko hayo matakatifu Wajibu wa
Dola umeelezwa kwa ufasaha zaidi: “Warumi 13:4: Maana yeye [mtawala/dola] ni
mtumishi wa Mungu kwa ajili ya mema yako. Lakini ukifanya mabaya, ogopa; kwa
maana haulichukui upanga bure.”
Pamoja na ukweli huo wa matumizi ya
silaha za moto, watu wanaohoji walipaswa pia kuacha kupuuza ugumu wa vyombo vya
usalama kudhibiti umati ulio na silaha au ulio na nia ya kufanya uharibifu wa
miundombinu yenye hatari kubwa.
Mchambuzi mmoja wa masuala ya jamii
alisisitiza kuwa kulenga tu kwenye Haki ya Kuishi na kuacha hatari kubwa
inayowakabili wananchi kutokana na fujo za uharibifu sio sahihi.
"Pia kulikuwa na shaka nini
kitatokea kama matangi hayo makubwa ya mafuta yatalipuka. Umbali wake ni
kipenyo cha kilometa mbili."
Hii inabainisha kuwa matamshi
yanayotaka haki yanapaswa kutambua wajibu wa Dola wa kulinda mali za raia na
miundombinu muhimu ya Taifa, si tu dhidi ya waandamanaji bali pia dhidi ya
majanga yanayoweza kutokana na uharibifu.
katika mafundisho ya Biblia yanatambua kuwa Serikali
ina jukumu la kuwadhibiti "watenda mabaya" ndani ya umati wa
waandamanaji (1 Petro 2:13-14).
Mchambuzi huyo alisisitiza kuwa
ingawa watu wanahaki ya kusema wanavyofikiri vitendo vya uharibifu vikubwa
vinaweza kufanya hali hiyo ionekane tishio na hivyo vyombvo vya usalama
kuchukua hatua amnbazo zinaweza kuumiza wengine.
Kutokana na uchambuzi wake amewataka
Watanzania kuepuka kutumiwa na makundi yanayoona haki yao ya kuandamana ni
muhimu zaidi kuliko usalama wa mali na utulivu wa taifa.
0 Maoni