Rais wa Zanzibar na Mwenyekiti wa Baraza la Mapinduzi, Alhaj Dkt. Hussein Ali Mwinyi, amewataka Waumini wa Dini ya Kiislamu na Wananchi kwa ujumla kuendelea kuiombea Nchi Amani.
Alhaj Dkt.
Mwinyi amejumuika na Waumini wa Dini ya Kiislamu katika Sala ya Ijumaa na
kusisitiza kuwa ni jukumu la kila mmoja kuhimiza na kukumbushana umuhimu wa
Amani, sambamba na kumshukuru Mwenyezi Mungu kwa neema ya utulivu iliyokuwepo
kabla, wakati na baada ya Uchaguzi.
Rais Dkt.
Mwinyi ameeleza kuwa Amani ndiyo msingi wa utekelezaji wa mipango ya Maendeleo
katika sekta zote, na ameunga mkono hatua ya kutangaza Jumatatu tarehe 24
Novemba 2025 kuwa siku maalum ya kufunga kwa ajili ya kuiombea Nchi Amani.
Amesema kuwa
ukosefu wa Amani husababisha kupungua kwa bidhaa muhimu, kupanda kwa bei, na
misukosuko inayoletea wananchi changamoto kubwa. Amehimiza kuendeleza maombi
ili kuilinda Nchi na kuepusha migogoro.
Aidha, Alhaj
Dkt. Mwinyi amewaomba Waumini kuwaombea Viongozi Wakuu wa Serikali ili waweze
kutekeleza majukumu na ahadi walizopewa kwa mafanikio na kwa
manufaa ya Wananchi.
0 Maoni