Kanisa la
Kiinjili la Kilutheri Tanzania (KKKT) inapenda kutangaza kwa ufahari hatua
kubwa na ya kihistoria katika safari yake ya kidijitali, kupitia ushirikiano wa
kimapinduzi na kampuni ya Unicx AI, utakaowezesha maboresho makubwa katika
mifumo ya mawasiliano, data, na huduma za kanisa.
Makubaliano
haya yalisainiwa na Katibu Mkuu wa KKKT, Ndugu Rogath Lewis Mollel, pamoja na
Mkurugenzi wa kampuni ya Unicx AI Data Limited, Ndugu Noel Mangoma, kama sehemu
ya dhamira ya pamoja ya kuleta mageuzi ya teknolojia ndani ya kanisa na kwa
jamii pana.
Kupitia
ushirikiano huu, KKKT inalenga kuimarisha mfumo wake wa kidijitali kwa kutumia
teknolojia za kisasa kama:
• Data
& Data Intelligence
• Artificial
Intelligence (AI)
• Connectivity
• Digital
Infrastructure
• Na
teknolojia nyingine muhimu za kisasa
Hatua hii
inalenga kufungua milango kwa vijana wa Kitanzania wenye umahiri katika sekta
ya teknolojia, na kuwawezesha kushiriki kikamilifu katika ujenzi wa kanisa la
kisasa na taifa lenye uwezo mkubwa wa kidijitali.
KKKT
inatambua kwamba kizazi kipya cha wataalamu wa teknolojia kina nafasi muhimu
katika mustakabali wa kanisa na jamii. Kupitia ushirikiano huu na Unicx AI,
Kanisa linaweka msingi imara wa mabadiliko ya kidijitali yatakayoboresha utoaji
wa huduma kwa waumini kwa njia rahisi, salama, na zenye ubunifu.
KKKT
itaendelea mifumo yake ya kidijitali, kuhakikisha huduma zake zinawafikia
waumini kwa njia bora zaidi.
0 Maoni