Mwandishi wa AYO TV hajulikani alipo, afikisha siku 9

 

Mwandishi wa Habari wa AYO TV Eugene Peter anatafutwa na familia yake pamoja na ofisi yake ya  Dar es Salaam baada ya kutoweka bila kujulikana alipo leo ikiwa ni siku ya tisa.

Mara ya mwisho Eugene alionekana mazingira ya nyumbani kwake Jumapili Desemba 29,2024 majira ya saa mbili usiku.

Familia akiwemo Baba yake mzazi na watu wa karibu wamethibitisha kutokuwa na mawasiliano naye tangu wakati huo ambapo Dar es Saalam hajaonekana na kwao Arusha na Moshi hajafika huku simu zake zikiwa hazipatikani.

Baada ya jitihada kubwa za kumtafuta maeneo mbalimbali na kutoa taarifa ya kupotea kwake Polisi, AyoTV na Familia kwa pamoja tunaomba mtu mwenye taarifa kumuhusu apige simu namba 0769401050 au aripoti kituo cha Polisi kilicho karibu nae.