Tani 22.5 za mahindi zatolewa kwa kaya 125 zilizohamia Msomera

 

Wananchi waliokubali kuhama kwa hiari kutoka ndani ya Eneo la Hifadhi ya Ngorongoro kwenda Kijiji cha Msomera Handeni Tanga wameendelea kunufaika na upatikanaji wa mahindi yanayotolewa na Serikali kupitia Mamlaka ya Hifadhi ya Ngorongoro.

Lengo la ugawaji wa mahindi hayo ni kuwasaidia wananchi waliohamia kijijini hapo hivi karibuni kupata chakula kwa miezi 18 ijayo wakati wakiendelea kuandaa mashamba kwa ajili ya kilimo.

Kaya 125 zimegawiwa mahindi gunia mbili kwa kila kaya ambapo Kaya hizo zinajumuisha kaya 23 zilihamia Msomera tarehe 19 Desemba, 2024.