Wasomi na wachambuzi wa siasa nchini wamempongeza
Rais Samia Suluhu Hassan kwa kuunda Tume ya Kuratibu Mchakato wa Katiba,
wakisema hatua hiyo ni ya muhimu na inalenga kutibu taifa kutokana na kasoro na
vurugu zilizojitokeza baada ya uchaguzi mkuu uliopita.
Wasomi hao wameitaja Tume hiyo kuwa ndiyo njia
sahihi ya kupata muafaka wa kisiasa na kuimarisha amani ya nchi.
Akitoa msimamo wake, Dk. Isack Agostino (SAUT),
Mhadhiri wa Uchumi wa Chuo Kikuu cha Mtakatifu Agostino, alisema Rais Samia
amefanya jambo la msingi na la kihistoria, akionesha kuna nia njema ya
kuliunganisha taifa kutokana na yale yaliyotokea wakati wa uchaguzi uliopita.
Dk. Agostino aliongeza kuwa kuundwa kwa tume hiyo ni
hatua ya kuimarisha amani ya nchi:
Naye Mhadhiri wa Chuo Kikuu cha Taifa cha Zanzibar
(SUZA), Profesa Haji Semboja aliwasihi Watanzania wote kuwa na imani na Tume
hiyo iliyoundwa na Rais Samia kwa kuwa imeundwa na wataalamu wanataaluma
waliobobea wenye utumishi uliotukuka.
"Tume itakuwa na jukumu la kuhakikisha
wanapokea taarifa kutoka kwa makundi mbalimbali na vyombo vyote vya usalama ili
kupata ukweli halisi utakaosahihisha taifa kuendelea mbele kwa kuondoa
uwezekano wowote wa kutokea hali hiyo katika siku zijazo."
Kwa upande mwingine, mchambuzi wa siasa nchini
Gabriel Mwang'onda alipongeza uamuzi wa Rais Samia wa kutambua matatizo
yaliyopo na kuwataka wajumbe kuitendea haki Tume kwa kuwasilisha taarifa ya
ukweli itakayosaidia kuponya taifa.
0 Maoni