Kuundwa kwa Wizara inayojihusisha moja kwa moja na masuala ya vijana
nchini ni hatua adhimu na ya kihistoria inayotoa tumaini jipya kwa kundi hili
muhimu la jamii.
Hata hivyo, ili wizara hii iweze kufikia malengo yake ya msingi hasa
katika kukabiliana na changamoto kubwa ya ajira kwa vijana waliosoma ni muhimu
sana kwa Waziri anayehusika kukutana na vijana mara kwa mara. Mikutano hii si
tu ishara ya upendo, bali ni mkakati wa kimuundo wa kuboresha utendaji na kutoa
majibu sahihi.
Kauli hizo zimetolewa na vijana mbalimbali wakiwa katika harakati
zao za kila siku jijini Dodoma.
Sospeter Chagodela alisema pamoja na kuwa faida kuu za kuwa na wizara
inayoshughulika na vijana kuna haja wakati inaanza kazi Waziri kukutana na vijana ni kupata uelewa wa
kina na wa moja kwa moja kuhusu hali halisi wanayokabiliana nayo.
"Serikali haiwezi kufanya maamuzi sahihi bila kujua changamoto
mahususi za vijana. Kwa kukutana nao, Waziri anapata fursa ya kusikia jinsi
ugumu wa kupata ajira unavyoathiri maisha yao, na hivyo, kuwezesha maisha yao.
" Waziri pia anapaswa kusikiliza mahitaji ya vijana waliosoma (walio
na elimu ya juu) ambao mara nyingi changamoto yao ni tofauti na vijana wasio na
elimu rasmi. Wanahitaji fursa zinazolingana na taaluma zao na uzoefu wa
vitendo" alisema kijana mwingine Nazael Kirema.
Hata hivyo kuna madai kuwa mikutano ya Waziri na vijana, hasa kupitia
makundi maalumu (Magurupu), itafanya sera za wizara kuwa shirikishi na zenye
ufanisi. Badala ya kuunda sera kutoka ofisini, maoni ya vijana yataingizwa moja
kwa moja katika:"Vijana ndio watoa maoni bora kuhusu jinsi ya kuunda
miradi yenye tija na jinsi ya kuweka makundi maalumu katika maeneo ya
kipaumbele kama vile kilimo biashara, TEHAMA, au viwanda vidogo.Wakiwekwa
katika makundi maalumu (miradi), vijana wataweza kukopesheka kwa urahisi zaidi
na wataweza kusaidiana katika kurudisha mikopo. Waziri anaweza kujua ni aina
gani ya mitaji inahitajika na kwa masharti gani.
Akizungumzia umuhimu wa "Dawati la Haraka" la Msaada, Chagodela
alisema vijana wengi wanapoteza matumaini kutokana na mlolongo mrefu wa
urasimu. Ili wizara iweze kuwainua vijana kutoka katika hali duni (chiji) na
kuwanyanyua, inahitaji mfumo wa haraka na kuwepo kwa dawati maalum, ambalo
linashughulikia masuala ya vijana haraka bila mlolongo mkubwa.
"Kijana anayesaidiwa kwa haraka na kwa ufanisi anakuwa balozi wa
Wizara na Serikali. Mafanikio yake huwahamasisha wengine na kuongeza imani ya
vijana kwa uongozi wao" anasema kijana mwingine Nise Donald.
Kijana mwingine Zaina Muse alisema kwamba Waziri kukutana na vijana mara
kwa mara ni kielelezo cha utawala bora,inasaidia kuziba pengo kati ya uongozi
na wananchi, na inatoa mwelekeo wa moja kwa moja kwa Wizara ya Vijana.
"Mimi naamini jambo la msingi ni kwa wizara kuwawezesha ajira vijana
waondoke na kuwa wazururaji mtaani" nalisema Muse.
0 Maoni